ဒို့ ဗိုလ်ချုပ်

ဗိုလ်ချုပ်အောင်ဆန်းရဲ့ ရှားပါး ဓါတ်ပုံ

နှင်းဆီနီ ဥဒါန်း

ကိုမင်းကိုနိုင် ရေးတဲ့ နောက်ကြည့်မှန် ဝတ္တုမှာ မေတ္တာလက်ဆောင်ထည့်ပေးထားတဲ့ ကဗျာလေးပါ။

ကျောင်းဖွင့်ချိန် (ရွှေဘုန်းလူ)

ကျောင်းဖွင့်ချိန် (ရွှေဘုန်းလူ)

(၁)

ငါတို့ကျောင်းတော်ကြီးရဲ့
မော်ကွန်းထိန်းသိမ်းရေးအခန်းမှာ
ဟစ်တလာရုပ်ထုကို
လူတစု ထုဆစ်နေကြတယ်။
သူတို့ဟာ ---
ရုပ်ထုရှေ့မှာ ကျိန်စာတွေရွတ်ဖက်
ပျားရည်စက်တွေကို မီးရှို့ပူဇော်
ဆိုင်ရာနိုက်ဖြူလျော်လျော်တွေ သွန်ကြဲပက်ချ
ဟစ်တလာပါးစပ်ထဲက
ကျည်ဆန်တတောင့် ထွက်အံကျလာတယ်။
သူတို့ဟာ ---
ကျောက်သင်ပုန်းပေါ်မှာ အဲဒီကျည်ဆံနဲ့
'ကျောင်းဖွင့်ပြီ' ဆိုတဲ့စာကိုရေး
သွေးစွန်းလက်တွေနဲ့ ပျူငှာစွာ
ဖိတ်ခေါ်ကြပါပြီ။

(၂)

ငါတို့ကျောင်းတော်ကြီးရဲ့
ဟောင်းနွမ်းနေတဲ့ အခန်းလွတ်တခုဟာ
တဖြည်းဖြည်း နှစ်ငါးဆယ်လောက် ပြန်ငယ်ရွယ်သွားတယ်။
အရင်က မမြင်ရတဲ့ ဟိုတုန်းက အရိပ်တွေ
နံရံတွေ၊ ခုံတန်းလျားတွေဆီက လွန့်လူးထ
အဲဒါ --- 'အောင်ဆန်း'တို့၊ 'ကျော်ငြိမ်း'တို့၊ 'သိန်းဖေ' တို့၊ 'ညိုမြ' တို့ရဲ့
ဝိဥာဉ်တွေပဲ ---
ဗမာပြည်လွတ်လပ်ရေးကို သူတို့မြတ်နိုး
ဗမာပြည်လွတ်လပ်ရေးအတွက် သူတို့ရုန်းကန်
အာဏာရှင်ကို ဖီဆန်ခြဲ့ကတယ်။
ခု --- သူတို့ရဲ့ ဝိဥာဏ်တွေဟာ
'ကမ္ဘာကြေဘူး --- --- ---
ငါတို့သွေးနဲ့ရေးခဲ့ကြတဲ့ မော်ကွန်းတေး ---'
သီချင်းလေး နားဆင်ရင်း
ရာဇဝင်ရဲ့ တကျော့ပြန်စိန်ခေါ်ပွဲကို
မျက်ရည်တဝဲဝဲနဲ့ စောင့်ကြည့်နေပါတယ်။

(၃)

ငါတို့ကျောင်းတော်ကြီးရဲ့
ဒီဘက်ခေတ် ၁၉၈၇ - ၈၈ နှစ်များထဲမှာပါ
တက္ကသိုလ်စာကြည့်တိုက်ထဲမှာ
ဖြူဝါးဝါးအရိပ်တချို့
စာထိုင်ဖက်နေကြတယ်။
တချို့ဖတ်တာ --- ကဗျာစာအုပ်
တချို့ဖတ်တာ --- သမိုင်းစာအုပ်
တချို့ဖတ်တာ --- နိုင်ငံရေးစာအုပ်
ရုတ်တရက်
အဖြူရိပ်တခုဟာ ထိုင်ရာကထ
'ဗမာပြည်ကို ကယ်တင်ရတော့မယ်'
နောက်ထပ်အဖြူရိပ်တခု စာအုပ်ပိတ်
'ဗမာပြည်ကို ကယ်တင်ရတော့မယ်
ဗမာပြည်ကို ထိတ်တုံးခတ်ပေးရမယ်'
သူတို့ဟာ တိတ်ဆိတ်စွာ
အခန်းပြင်ကို ထွက်သွားကြပါတော့တယ်။
စာကြည့်တိုက်ရဲ့ စာအုပ်ပိတ်သံများ
လွယ်အိတ်လွယ်သံများ
ဖိနပ်စီးသံများအဆုံးမှာ
နောက်ထပ် အဖြူရိပ်တခု ထပ်ထွက် ---
--- နောက်ထပ် --- ---
--- နောက်ထပ် --- ---

(၄)

ငါတို့ကျောင်းတော်ကြီးရဲ့
စာမသင်ဖြစ်တဲ့ စာသင်ခန်းတခုမှာ
အရိုးစုတအုပ် အစည်းအဝေးလုပ်နေတယ်။
အရိုးစုတခုက ---ထိုင်ရာမှ ဖြည်းညှင်းစွာထ
'ကျနော်တို့တော်လှန်ရေး
အာဏာရှင်တွေ နောက်ဆုံးနေ့အထိ'
စသည်ဖြင့်ပြောကြား
အားလုံးငြိမ်သက်နားထောင်နေကြတယ်။
အခန်းထဲမှာ
အကျဉ်းထောင်က ပြေးထွက်လာတဲ့
ဗိုလ်ချုပ်ရဲ့ မိန့်ခွန်းတွေ
သတ္တိဗုံးကို နှောင်ထုံးခေတ်
ပတ်ကြားအက်နေတဲ့ ရန်သူမျက်နှာတွေ
အဲဒီမှာ --- အရိုးစုတခုက လက်သီးဆုပ်
သူ့နှုတ်က တိုးတိုးလေးပြော
'တောက အဖေနဲ့အမေ တော့
ကျနော့်ကိုမျှော်နေကြတော့မယ်ဗျာ ---'
ကြေကွဲစွာ သူ့မျက်လုံးပေါက်ထဲက
မျက်ရည်ဖြူတစက်
စီးသက်ကျလာတယ်။

(၅)

ငါတို့ကျောင်းတော်ကြီးရဲ့
ပရဝဏ် အဝင်အထွက်လမ်းမတွေမှာ
အချုပ်ကားပြာပြာကြီးတွေ
ဒရကြမ်း နှင်နေကြတယ်။
အဲဒီကားကြီးတွေထဲမှာ
'ကမ္ဘာမကြေ၊ ဗမာပြည် --- ဒါ တို့ပြေ
ဒါတို့မြေ --- တို့ပိုင်တဲ့မြေ' ဆိုတဲ့
တေးသံသာသာ
ညီညာစွာ ပဲတင်ပေါ်ထွက်
ကျောင်းသားလက်တွေ သွေးစိမ့်ခဲ့ပြီ
အချုပ်ကားပြာပြာကြီးရဲ့ ဦးထိပ်မှာ
သူတို့ရဲ့တံဆိပ် --- တို့ရဲ့အလံ
ဦးခေါင်းခွံမှာ အရိုးနှစ်ချောင်း ကန့်လန့်ဖြတ်ထားတဲ့ သဏ္ဍာန်သာဖြစ်တယ်။
ကျောင်းခေါင်းလောင်းအိုကြီးဟာ
ထွက်ခွာသွားတဲ့ အချုပ်ကားနောက်
ပြေးလိုက်ခလုပ်တိုက်ပြီး လဲပြိုကျ
ချိုလွင်ရှတတဲ့ ခေါင်းလောင်းသံထွက်ရမဲ့အစား
'သားရေ --- အမေ လိုက်ရှာနေတယ်လေ --- သားရေ'
ဆိုတဲ့ငိုရှိုက်ညည်းတွားသံအဖြစ်နဲ့သာ
ရာဇဝင်တုန်ခါအောင် မြည်ဟည်းလာခဲ့ပြီ။

(၆)

ငါတို့ကျောင်းတော်ကြီးရဲ့
နီမောင်းသောလမ်းကြီး လမ်းငယ်များမှာ
ဒေါင်းအလံ တလူလူလွင့်လို့
ကျောင်းသားတွေချီလာပါပြီ
ရင်တအုံလုံးပွင့်ထွက်နေတဲ့ ကျောင်းသားက
ရှေ့ဆုံးကနေ အလံကိုင်ပြီးသွေးပွက်ပွက်အန်ထွက်နေတဲ့
ကျောင်းသားတွေက
နောက်ကချီတက်လိုက်ပါလာတယ်။
'ဒီမိုကရေစီရရှိရေး --- ဒို့အရေး' တဲ့
ကိုယ့်ကိုကိုယ်တစ်ခါတည်း အသုဘချရင်း
တိုက်ပွဲဝင်ခဲ့ကြရတဲ့ ငါတို့တော်လှန်ရေး
ဘယ်တော့မှ --- အရှုံးမပေးဘူးဟေ့ ---
သေနပ်သံတချက်ဖောက်ရင်
ရာဇာပလ္လင် မီးဟုန်းဟုန်းတောက်သွားမယ် ---
နောက်ဆုံးနေ့အထိ ---

(၇)

ငိုက်မြည်းနေတဲ့ အင်းလျားရေပြင်
ရုက်တရက် ရဲရဲနီစွေးသွားတယ်။
ချက်ချင်းပဲရေငွေ့ပျံတက်
ကောင်းကင်ထက်မှာ တိမ်အဖြစ် မိုးစက်ခို
ကျောင်းတော်ကြီးကို မိုးသွေးတွေ ပြန်ရွာချ
လျှပ်တွေပြက်၊ မိုးတွေချိန်း --- ---- ---
ဒိန်းဒုံး ဆူညံသွားတယ် ---
အဲဒီအခါ --- ကျောင်းတော်မှာ ---
ပန်းတွေ ဖျက်ကနဲ ပွင့်ကြ
ငှက်ဆိုးတွေ ဝေါကနဲ ထပျံကြ
သစ်ရွက်တွေတလက်လက် တောက်ပကြ
ခုံတန်းလျားတွေ အုပ်ဂူအဖြစ် ပြောင်းလဲကြ
မြေကြီးတွေ တုန်ခါတော်လဲကြ
တို့အရေး --- တို့အရေး --- တို့အရေး --- တို့အရေး
ြေ<ွကးကြော်သံတွေနဲ့
ဗမာပြည်ကြီး တဝုန်းဝုန်းရုန်းကန်
နိုးထပြီး နောက်ဆုံးငြိမ်သက်သွားတဲအခါ
ငါတို့ကျောင်းတော်ကြီးဟာ --- ---
တလဲ့လဲ့ တဝင်းဝင်း
သွေးနီရောင် တောက်ပခါ ---
အာဇာနည် သူရဲကောင်းတို့ရဲ့
ဂူဗိမာန်ကြီးပမာ တည်ရှိနေပါတော့တယ် --- ။

(၈)

ကျောင်းသားတွေနဲ့ ကျောင်းတော်ကြီးကြား
ခု --- သွေးပင်လယ်ကြီး ခြားနေပါပြီ ---
'ကျောင်းဖွင့်ပြီ' ဆိုတဲ့ အာဏာရှင်တွေဟာ
သွေးပင်လယ်ကြီးကို ကျော်နင်း
ထုံးတံတားကြီးကို ကျောခင်းပေးတယ်။
တချို့တွေက ကျောင်းတက်လာကြလိမ့်မယ် ---
အဲဒီထဲက တချို့ဟာ ---
'အကြောင်းကြောင်းကြောင့်ပါ' လို့
စိတ်မကောင်းစွာပြောရင်း ---
ထုံးတံတားကိုလျှောက်နင်း ---
ကျောင်းခန်းအတွင်း ဝတ္တရားအရထိုင်
ငါတို့ --- နားလည်ခွင့်လွှတ်နိုင်ပါတယ်
တချို့ကတော့ ---
'ဂုဏ်တု ဂုဏ်ပြိုင်' ကောင်းကြောင်းပြောရင်း
ထုံးနံ့သင်းတဲ့ ပန်းခင်းကိုဖြတ် ---
ရည်စားထားဖို့ ကျောင်းပြန်တက်လိမ့်မယ်။
အဲဒီလို --- လူစားတွေကိုတော့---
ငါတို့က ခွင့်လွှတ်သည့်တိုင်အောင်
ရာဇဝင်က ခွင့်မလွှတ်သရွေ့
သူတို့ဟာ --- သမိုင်းမှာ ---
'သစ္စာဖောက်' များသာဖြစ်တယ်။

(၉)

ကျောင်းသားနဲ့ ကျောင်း
တနေ့တော့ပေါင်းရမှာပဲ
ငါတို့တွေ သွေးပင်လယ်ကို ဖြတ်ကူးပြီး
ကျောင်းကြီးဆီ အရောက်သွားကြမယ်။
သွေးပင်လယ်ကြီးဟာ
တငွေ့ငွေ့ပူခြစ် ဆူပွက်
ထက်ကောင်းကင်မှန်တိုင်းတို့ အစပျိုး
သွေးလှိုင်းတံပိုး တဝုန်းဝုန်းပြင်းထန်
ငါတို့တွေ
ငါတို့တွေ လှည့်မပြန်ဘူး၊
ငါတို့ထဲက တချို့ဟာ ---
ကိုယ့်အရိုးကိုယ်ချိုး လှေအဖြစ်ထွင်းထု
ငါတို့ထဲက တချို့ဟာ ---
ကိုယ့်အသားကိုယ်လှီး လှေနံရံအဖြစ် ခင်းရိုက်
ငါတို့ထဲက တချို့ဟာ ---
ကိုယ့်လက်ဖဝါး ကိုယ်ရိုက်ဖြတ်
လှေရွက်အဖြစ် စပ်ချုပ်
မှန်တိုင်းကို ခွဲဝင်
သွေးပင်လယ်ကို ဖြတ်ပြီး
ကျောင်းတော်ကြီးဆီသွားဖို့
လုပ်နေတယ် --- ။

(၁ဝ)

နောက်ဆုံးမှာ ---
ဒေါင်းအလံကို --- ဖြောင်းဆန်အောင် လွှင့်ထူရင်း
အမှန်တရားတခုထံ
ငါတို့ သစ္စာအဓိဌာန်ပြု
အို --- သူရဲကောင်းတို့
အို --- ကျဆုံးခဲ့လေသော
ဒီမိုကရေစီ တိုက်ပွဲဝင်
သူငယ်ချင်းဟောင်း ---
သူရဲကောင်းတို့
ထာဝစဉ် မပျက်ပြယ်နိုင်လောက်အောင်
မြင့်မြတ်စွာ ကျဆုံးခဲ့သော ---
သင်တို့၏ဝိညာဉ်တန်ခိုးတော်များသည်
ငါတို့၏ရှေ့နောက်ဝဲယာ ---
ထက်အောက်ဝန်းကျင်၌
ပျံနှံတည်ရှိကြကုန်တော့၏။
ထိုသော ---
သင်တို့၏ဝိညာဉ်တန်ခိုးတော်များသည်
ငါတို့၏ခန္ဓာကိုယ်နေရာအနှံအပြားသို့
ထိုးဖောက်ယိုစိမ့်စီးဝင်ကာ
ရဲရင့်ခြင်းမှာ ငါတို့အားဖြစ်တည်စေတော့၏။
အို ---သူရဲကောင်းတို့
အို --- ကျဆုံးလေသော
ဒီမိုကရေစီတိုက်ပွဲဝင်
သူငယ်ချင်းဟောင်း သူရဲကောင်းတို့
ဗမာပြည်ကို ရှိခိုးကာ
ဤသွေးပင်လယ်အား
ငါတို့ ဖြတ်ကူးအံ့
မိုးလုံးပြည့်ကောင်းချီးသြဘာပေးသံကြားမှာ
ငါတို့၏အရေးတော်ပုံ အောင်မြင်ပါစေသတည်း။ ။

တာရာမင်းဝေ

သူမ သည်

သူမ သည်
ကျွန်ပ်၏ နက်ဖြန်တိုင်းအတွက် လက်ကျန်သမိုင်းဖြစ်သည်။
သူမ သည်
ကျွန်ပ်အတွက် သေတပန် သက်တစ်ဆုံး စေတန်မျက်နှာဖုံးလေး ဖြစ်သည်။ 

သူမ သည်
ကျွန်ပ်၏ ဇီဝအလင်းဖြစ်စဉ်ရဲ့ ညီမျှခြင်းလေးဖြစ်သည်။
သူမ သည်
ကျွန်ပ် အတွက် ထာဝရထွန်းတောက်နေမယ့် ညွှန်းဖျောက် ကြယ်တစ်ပွင့်ဖြစ်သည်။

သူမ သည်
ကျွန်ပ်၏ နှလုံးခုန်သံ တစ်ဖက်ပိတ် စိတ်ရဲ့ အရိပ်လေးဖြစ်သည်။
သူမ သည်
ကျွန်ပ်အတွက် မရှိမဖြစ်သန်ခေါင်ယံညရဲ့ ပာန်ဆောင်မရ လွမ်းနေကြ သူလေးဖြစ်သည်။

သူမ သည်
ကျွန်ပ်၏ သောကတို့ ဆတ်စလူး ပူပန်စွာ အရူးဖြစ်စေသူလေးဖြစ်သည်။
သူမ သည်
ကျွန်ပ်အတွက် ရှင်ခြင်း ဆက်ပေးနေသော ထွက်သက်ဝင်သက်လေး တစ်ပွင့်ဖြစ်သည်။

ကျွန်တော် သည်
သူမ ၏ ဝဲဘက်နံရိုးက ဖြစ်တည်လာသည့် လူအထီးလေးတစ်ကောင်သာဖြစ်သည်။
ကျွန်တော် သည်
သူမ အတွက် ခန္စာကို မီးမြိုက် အလင်းစိုက်ပေးချင်သူဖြစ်သည်။

ကျွန်တော် သည်
သူမ ၏ အိမ်မက်တစ်ခြမ်းကို ကဗျာတစ်သန်းပေးဝယ်သူဖြစ်သည်။
ကျွန်တော် သည်
သူမ အတွက် ချစ်ခြင်းရဲ့ အတိမ်အနက်ကို ထိန်ဝှက် မထားတတ်သူလည်း ဖြစ်သည်.........


ဗေဒါ

အလွမ်းရဲ့ နာရီအို

6-12-2010

သေကောင်ပေါင်းလဲ အဖြစ်တွေနဲ့ မရေရာတဲ့ လူဘဝတွေထဲ နောက်ထပ်တစ်နေ့အရောက်မှာ. ..... .... ရင်ဘတ်တစ်ပိုင်းတစနဲ့ အိပ်ယာ က လန့်နိုးသွားသည်။ရီဝေ မူးနောက်ခြင်းများစွာနဲ့ နေ့သစ်တစ်ခုရဲ့ အစ က အရင်လို လန်းဆန်းတက်ကြွမှု နည်းပါး စွာ နဲ့ဘဝကို အစကပြန်စ နေရသလို။ဒူး ထောက် ထား မိနေသည်။ပောာ့ဒီက မျက်နှာကျက် အမိုးအောက် ဘဝ တစ်ခုလုံး လောင်ကျဉ်း ချခံထားရသလို....... .ပူလောင်ပျင်းရှ စွာဖြင့် လျှပ်စစ် စီးမျောသံလေးကို တောင်းတမိသည်။ လည်းချောင်းတွေ ချောက်ကပ်လို့။ အိမ်ပြင်ထွက်ပြီးကောင်းကင်ကိုခုန်အုပ်ပစ်လိုက်ချင်တဲ့စိတ်ကို အစိုးမရချင်တော့.....သူ့ ကို လွမ်းသည်။ အဖေ သူ့ကို ကျတော်လွမ်းတယ်....သား ပြန်အိပ်တော့မယ်နော်...... တွန့်ကြေနေတဲ့ အိပ်ယာပေါ် တွန့်ကြေနေတဲ့ နှလုံးသားတစ်စုံ အလွမ်းကို စောင်လိုခြုံလို့.

ညနေ (၄ နာရီ)

သူ့ တံဆိပ်ကပ်ထားတဲ့ အောက်ဆီဂျင်တွေ အပြည့်သိပ်ထိုး၊ ညနေကို အန်တုလို့ မျှော်ရဦးမည် ဖုန်း သံလေးရေ.....ရုံးမှာ ကျတော့်အတွက် ညသင်္ဘော မဆိုက်ကပ်ဖြစ်ခဲ့ ပါဘူး။တစ်ည လုံး မိုးလင်းပေါက် ဖုန်းသံလေးကို မျှော်ရင်း သတိရရင်း ငါပာာ ကောက်ရိုးနဲ့လောင်တဲ့မီးတောက် မပာုတ် ပဲ ကျောက် မီးသွေးယောင်ဆောင်ထားတဲ့ နှလုံးသားက ထတောက်တဲ့ လောင်မီးဖြစ်နေမှန်း အလန့်တကြားနဲ့

သိလိုက်ရတယ်။ပာစ်တလာရေ နင့် နုတ်ခမ်းမွှေးတစ်စုံလောက် ခဏလောက်ငှားပေးပါ။ နင့်ကို မုန်းတဲ့ လူတစ်သန်းလောက်ရဲ့ လက်သီးဒဏ်နဲ့ ငါ့ ရင်ဘတ်ထဲက အလွမ်းဒဏ် ဘယ်အရာပိုကြမ်းမလဲလို့ စမ်းကြည့်ချင်တယ်။ဂရေပာမ်ဘဲလ်ကို မုန်းလိုက်တာ.....မနက်လင်းရင် ဗင့်ဂိုးရဲ့ အုတ်ဂူမှာ ပန်းသွား ကြဲ မယ် ။ ငါ့ ကိုမုန်းတဲ့ သူတွေ လိုက်ဆဲချင်ဆဲနိုင်ပါတယ်။ဒီလိုပါပဲ လူတစ်ယောက်ကို ချစ်မိလို့ လူတစ်သိန်း ရဲ့ အမုန်းဆိုလဲ သူတို့ရှေ့မှာ ပြုံးပြီး ခပ်တုံးတုံး ဓါးတစ်လက်နဲ့ သူ့နာမည် ငါ့လက်မှာ ထွင်းနေမယ်။ချစ်တယ်ကွယ်။

7-12-2010

တစ်နေကုန် ခုခံရင်းလွန်မြောက် ငါ့နောက်ပါးမှာ ကပ်လိုက်လာတဲ့ ပူလောင်ခြင်းတို့  သောကတွေ ဖုန် အလိပ်လိပ်ထလို့ကဆုန်ပေါက်လာခဲ့ပြီးမှ အင်း သူပြန်ရောက်နေပြီလား။အိပ်ချင်လိုက်တာ။ ဗိုက်လည်း ဆာလာပြီ။နေမှ ကောင်းရဲ့လား။ အဖေ သားအဝတ်မလျော်ချင်သေးဘူး။ ဖုန်းဆက်ကြည့်ဦးမှပါလေ။ အကို တစ်ယောက်ရောက်လာပြီး ညီ မတွေ့ဖြစ်တာ ကြာပြီအားရင်းအေးဆေးစကားပြောရအောင် အင်း  အိမ် ပြန်ပြီးပြန် ဆင်းလာခဲ့မယ် သော့မရှိ ပြန်လိုက်ရှာပြီးဖုန်းလာရင် ပြန်ဆက်မယ်ပြောပေးနော် အေးအေး

ထပ်ဖုန်းဆက်ကြည့်တယ် မောင်လေး ဆီကော သူမဆက်သွယ်ဘူးလား အင်း ဖြစ်ပြီ အရူးတစ်ကောင် အရိပ်ပျောက် ခဏ်း ။ကဲ အစ ကပြန်ရိုက်မယ် ဒီ ကဒ် ကို ဒီလိုနဲ့ နေ့တစ်ဝက်ကျိုးသွားခဲ့တယ် 24 နာရီရဲ့ ညဉ့်တစ်ယံစာမရှိတရှိ နှစ်နာရီခွဲလောက်အိပ်ပြီးအိပ်ရေးတွေ ဝနေခဲ့တာ အိမ်မက်ထဲ ဖုန်းပြောလိုက်ရ လို့လေ။ အရူးပါး ဝ တယ်လို့ ဆိုဆို ရူးတာတောင် လွမ်းနေတုန်း။ဒါ အပေါစားစားသားတွေပါ ။ ဖတ် မနေနဲ့။ ရင်ပွင့်ပြီး လျောက်ထွေးထုတ်လိုက်တဲ့ အစ အန တွေ။အန်ချင်စော်တောင် နံသွားဦးမယ်။ လူတွေကိုသိပ်စိတ်ကုန်လာပြီ။ သူ မ အတွက်ဆို ဘုရားသခင်နဲ့တောင် စီးချင်းထိုးဖို့ ဝန်မလေးဘူး ကိုယ့် လူ။ ကျန်တာလာမပြောနဲ့။

ညနေ (၄ နာရီ)

ဒီလိုနဲ့ ၇၂ နာရီကြာ ထမ်းပိုးထားခဲ့တဲ့ ငါ့ရဲ့တနင်္ဂနွေပျိုလေးအတွက် အလွမ်းရဲ့ နာရီအိုတစ်စအိပ်မပျော်ညတွေနဲ့ ပြာချ လိုက်ချင်ပြီကွယ်........

စောဝေ

ထုံးစံ အတိုင်းပေါ့။ဒီအဖြစ်ပျက်တွေကို အစ က ပြန်ပြီး ဖေါက်ဖတ်လိုက် ရင် သင်ရူးနေလို့ပဲဖြစ်မယ်။

ဗေဒါ

ရင်ဝှက်ပန်းပုရပိုဒ်ရဲ့ အခန်းဆက်(၁)

အဲ့ ဒီ သောကြာညမှာ
အချစ်ပာာ ကြောက်စရာကောင်းလောက်အောင် လှနေတယ်
လမ်းကျဉ်းလေးတစ်ခုလို
ကျစ်လစ်သိပ်သည်းစွာ စီးမိုး
ခြေလှမ်းတွေတိုင်းမှာ
အားအင်တွေ ကြီးစိုးနေခဲ့
အဲ့ဒီ သောကြာညနေမှာလေ.....

ကောင်မလေးရေ........
အိုင်းစတိုင်းဆိုတဲ့ ပုဂ္ဂိုလ်ကြီးကတော့
အလျား၊အနံ၊အမြင့် နဲ့ အချိန်တဲ့
ငါတို့ အတွက် ဘယ်လို ဒိုင်မင်းရှင်းမှ မလိုပါဘူးကွယ်
ရိုးရိုးလေးပဲ ချစ်ခဲ့ မိကြတာ...

ခရားရေလွှတ်
တကယ်ကို ခရားရေလွှတ်ပါပဲ
ငါတို့ ကြားမှာ ပြောစရာတွေ များလှချေရဲ့
အို............
ခြေလှမ်းတွေ မလောက်ဘူးကွယ်.......

ပောာဒီ စိန်ဂျွန်းမှတ်တိုင်ကြီးအထိ
ရွှန်းရွှန်းဝေနေခဲ့တာ ငါတို့ ချစ်တဲ့ အရာတွေ အကြောင်းပဲ
အဲ့ဒီနောက် နင့် အကြောင်း ငါ့ အကြောင်းနဲ့
ခြေလှမ်းတွေ ပေါင်းခဲ့တာ
မိနစ်ခြောက်ဆယ်စာ စွန်းစွန်းပါ........

ကံကြမ္မာသာ သခွားသီးဆို
ငါ ဝါးစားမိတာ ကြာပေါ့
မတွေးရဲဘူး မဝေးရဲဘူး
အိုကွယ် ရေးတောင်မရေးရဲဘူး
ချစ်တယ်......

ကိုယ့်လက်ကို ယုံကြည်ထား မြဲမြဲ
ကိုယ့် နှလုံးသားက မင်းမှ တပါး အခြားမရှိ
ဘဝကို လည်း ဒီလိုပဲ မျှခြေညှိကြတာပေါ့ ကောင်မလေးရေ......

ဒီသောကြာညပာာ ခဏ်းနားစွာနဲ့ လှနေတယ်
ဘဝအတွက် ပထမဆုံး
ထို့နောက် ပထမဆုံး
ပထမဆုံး
အသေအခြာ ပထမဆုံး
အို အရာရာတိုင်းမှာ ပထမဆုံးတွေ များလှပေါ့
ချစ်လိုက်တာကွယ်..........
........
......
...........ခုချိန်ဆို
သူလည်းလွမ်း ငါလည်းလွမ်းနဲ့
အိပ်မက်တွေ ကြမ်းနေမှာ အသေအချာပါ....
နေ့တစ်နေ့ ရဲ့  နောက်ဆုံးလမ်းပာာ
ငါတို့ အတူတည်ဆောက်ထားတဲ့
အိမ်ပြန်ချိန်လမ်းလေးပဲ ဖြစ်စမ်းစေချင်တယ်.....
အဲ့ဒီ အုတ်ကျင်းမှတ်တိုင်ကြီး နာမည်ဆိုးဆိုးနဲ့
အုတ်ကျင်းမှတ်တိုင်ကြီး
ငါမုန်းလိုက်တာကွယ်......

ရင်ဆိုင်မယ် အချစ်ရယ်
ကိုယ့်လက်ကို ယုံကြည်ထားရဲရဲ
ဘဝဆိုတာ ဖရဲသီးလိုပဲကွဲ့
အခွံ့ ထူထူကို ခွာပြီးမှ
ချိုမြတဲ့ အရသာ တွေ့ မယ်.........

ပန်းလူတို့ ပြက္ခဒိန်ရဲ့ ပန်းဆီရောင် တော်ဝင် ရက်မြတ် ၊ထာဝရ ရင်ခွင်တော်ခဏ်းရဲ့ ပဏာမ စီရင်တော်မူရာ သောကြာ ညချမ်းရဲ့ ( ၃၈ )ရက်မြောက် အလွမ်း........

ဗေဒါ
(11-02-2011)

လေးတင်ပွဲ(၃)

ဘီလူးနက္ခတ်မှာမှ
လူ မတ်တပ်လာဖြစ်ခဲ့တဲ့ကောင်ပဲလေ
ခြေလှမ်းတွေ နည်းနည်းကြမ်းမှာပေါ့
ရင်ခွင်တံခါးကို
ပေါက်လွတ်ပဲစား ဖွင့်ထားမိတော့ လည်း
အတိတ်က နည်းနည်းတော့ ခါးတယ်......
ခု
ငါရောက်ချင်တဲ့ မြို့က သေချာနေပါပြီ
ညွှန်းပြမှတ်တိုင်တွေ မလိုဘူး....

သောက တွေ ကဆုန်ပေါက် ခဲ့ပြီးမှ
နောက်ဖေးပေါက်က ဝင်ကြည့်ခဲ့ရတဲ့ ပွဲ
ဇါတ်သိမ်းကိုတော့ ပရိတ်သတ်နည်းနည်းဆဲလိမ့်မယ်
ငါ ဝင်နွှဲလို့တဲ့လေ...........

သောက်ဂရုမစိုက်ဘူး
ချစ်ခြင်းတရားက လုပ်ယူလို့ မရသလို
နုတ်ယူလို့လည်း မရဘူး
ဒီတော့ သောက်ဂရုမစိုက်ဘူး........

ဘယ်လောက်ထိလည်းဆို
သူ့ စိတ်ကိုတောင် ဝင်ဖတ်လို့ရသည်အထိ
ချစ်ခြင်းတရားမှာ မှော်အောင်နေလိုက်ပုံများ
သူမ ပာာ ငါ့ရဲ့
နာမ်တရားဖြစ်နေပြီ
သူမ အတွက်သာဆို ငါ့ကိုယ်ငါ
မြိန်ယှက်စွာ သတ်ပြစ်နိုင်တယ်..........

ဘုရားသခင်ရဲ့ ဖိနပ်တော်အောက်မှာ
ငါ့ ချစ်ခြင်း အတွက် လုပ်ယူဖန်တီးထားမှု ရှိစတမ်းဆို
ဖိ...........နင်း..........ပစ်....လိုက်
သူမ ပာာ ငါ့ အတွက်
မပာာကမ္ဘာဦးကျမ်းရဲ့ အလင်းပွင့် မန္တာန် တစ်ပုဒ်ဖြစ်ကြောင်း
အသက်ပါ ထပ်လောင်းပြီး သစ္စာတည်မယ်........

နင့် မျက်ရည်တွေ သုတ်လိုက်
နင့် မျက်ရည်တွေ သုတ်လိုက်စမ်းပါ
တန်ဘိုးဆိုတာ လူ့ဖြစ်စဉ်သမိုင်းအတွက်
ခိုင်းနှိုင်းစရာ နေရာရှားတယ်
မြတ်နိုး ရုံ၊ ချစ်ရုံ၊ တန်ဘိုးထားရုံ ဆိုတဲ့
အသုံးနုန်းတွေထက်ပိုတဲ့ စကားလုံးတွေ
ဘယ်လို စကားလုံးတွေမှ
မခြုံငုံမိလောက်အောင်
ကိုယ် ၊ နုတ်၊ နှလုံး သုံးမျိုးလုံးနဲ့
နင့် သီလ ကို ပူဇော် နေပြီးခဲ့ပြီပဲ
နင့် လိပ်ပြာကို ငါယုံတယ်.........
နင့်မျက်ရည်တွေ သုတ်လိုက်ပြီး
နေကောင်းပါတော့ အချစ်ရယ်.........

အဲ့ဒီနေ့က ကန်ရေပြင်ပေါ် လေညှင်းမဆင်းဘူး
သက်ပြင်းတလူလူသာ မင်းမူနေခဲ့
ငရဲ ရဲ့ ပြည်ဝင်လမ်းလို
နောက်ဆံတင်းပြန်ခဲ့ရတဲ့ ည.............

ဗေဒါ

(၂၃-၂-၂၀၁၁)

ကဗျာပွင့်တဲ့ သစ်ပင်

ခွေးတစ်ကောင် ပီသစေဖို့အတွက်
တအိုင်အိုင်နဲ့ပောာင်ပြနေစရာ  လို လို့လား
အချစ်ဆိုတာ ဘီလူးတစ်ကောင်ရဲ့ နှာခေါင်းပေါက်လိုပဲ
ထွက်သက်၊ဝင်သက်တွေ ကြမ်းရှ တယ်......

သဝန်တိုလွန်းတဲ့ ကြယ်လေးအတွက်
ငါပာာ ဂြိုလ်ပဲ့ လေးတစ်လုံးပါ
နဂိုထက် နည်းနည်းပဲ ခုံး ခဲ့တယ်...

ချစ်ခြင်းတရားရဲ့ ဝ လုံးတန်းမှာ
မှင်နီတားခံထိတဲ့ကောင်
တစ်ညလုံးမှောင်နေတုန်း
အိမ်မက်ကို အိမ်မက်ဖုန်းသွားလို့
ယူကြုံးမရ ဖြစ်ခဲ့ဖူးတယ်

ပောာ့ဒီ အခေါင်းဝက
အဖြူရောင်ပိတ်တစ်စလို
ငါ့ရဲ့သေဆုံးခြင်းမှာ ဖြူစင်နိုင်ပါ့မလားရယ်လို့
အနာဂါတ်ကို မီးလှုံရင်း
ခရီးကုန်အောင် တွေးခဲ့ဖူးတယ်

ငါကလည်းခက်တယ်
အပြစ်တစ်ခုလို့ ယူဆရင်
နာကျင်ခံခက် ဒဏ်ချက်တစ်ချက်လောက်နဲ့မှ
ကျေနပ်ရင်း ငါ့ကိုယ်ငါ ပျက်ယွင်းပစ်တတ်တယ်....

လက်သိပ်ထိုးမျှော်လင့်ရင်း
တေလေတစ်ယောက်ရဲ့ နောက်ဆုံးမီးတောက်ပာာ
နင်ငြိမ်းမှ ပြာဖြစ်မှာပါ ချစ်သူ..
နုတ်ခမ်းပြာအောင် အော်နေလဲ
အဖက်လုပ်ခံရဖို့ ကံမပါတဲ့ကောင်မို့
ပောာင်တာပဲ အဖက်တင်တယ်..

ကဗျာပွင့်တဲ့သစ်ပင်မို့
သောက်သုံးမကျမှာ အသေအချာ

ဗေဒါဇော်

မီးခိုးရောင် ညနေ

အရာအားလုံးငြင်းဆို
အလင်းကို ချို ချင်ယောင်ဆောင်ပြီး
အတင်းမြိုချ လိုက်တဲ့ည
ဒင်း တော်တော် အ ခဲ့တယ်

ရိပ်သိမ်းဖို့နည်းနည်းကျန်နေခဲ့လို့
ဒီနွေဦးမှာ ငါဖူးနေတာပါ
ရွက်ဝါတစ်ခုရဲ့ဈပနပာာ နဂိုထက်
မှင်မောင်းကောင်းစွာ လှ ခဲ့တယ်..

ပုံပြောဆရာတစ်ယောက်က ခေါင်းပန်းလှန်ပြီး
ကံကြမ္မာခေါင်းလောင်းသံပေးနေတုန်း
အသက်ရှုရပ်သွားတဲ့ ရထားတစ်စင်း
မခိုင်မာတော့တဲ့ မှေးစက်ခြင်းနဲ့ပဲ တရေးနိုး
ဘယ်လို အုတ်ရိုးတို့က မြင့်သီးဝေးခေါင်လွန်းပါလိမ့်..

ငါ့ကိုယ်ငါ မေးကြည့်မိတိုင်း
ပီပီသသ သိရတယ်
.......
ရီရတယ် ဆိုရင်တော့
ဧရာမပြက်လုံး အဖြစ်
ငါ့ အခေါင်းဖုံးမှာ ကပ်ရစ်ကြပေတော့

လူလုပ်ထားတဲ့ ဗျက်စောင်းမို့
လူတီးမှ အသံမြည်မယ်..
ငါ နောင်ဘဝ ဘီးလူးကြီးတစ်ကောင် ဖြစ်ပါစေ...
ငါ နောင်ဘဝ ဘီးလူးကြီးတစ်ကောင် ဖြစ်ပါစေ...
ကျောက်ဆောင်ကို ရိုက်ခွဲ အသံ သဲ့သဲ့ လှုပ်ပြမယ်...

သေခြင်းတရားနဲ့ မိတ်ကောင်းဆွေကောင်းပမာ
တစ်ဝိုင်းထဲခွက်လှည့်သောက်ရင်း ကဗျာစပ်
သေရင်တောင် အခေါင်းထဲ ကဗျာ ထည့်သွားမယ့်ကောင်
ဘာအတွက်နဲ့မှ လက်မထောင်ရမှာ ရှက်တယ်...

ဒါကိုသိလို့ လူတွေ ရှောင်ကြတာ
ကဗျာရှင်က လေချွန်ရင်း ရှင်းပြတယ်
ကန်စပ်ဘေးက သစ်ပျိုပင်လေးကို.....


ဗေဒါဇော်

စိန်ပန်း

တသားမွေး တသွေးလှနေလိုက်ပုံများ
စွင့်စွင့်ကားကားနဲ့
ဆိုးဆေးတွေများနေသလားပဲ
ရနံ့တော့ မရှိဘူး
ပန်းဂုဏ်သတ္တိအရ
အပင်ပေါ်မှာပဲ လှ နေရှာသူ
အောက်ရောက်ရင် အမှိုက်
ငါ သိပ်ကြိုက်တဲ့ ကောင်ပေါ့
ခု ဒင်းက တစ်မြို့လုံးကို မင်းမူ
ဘယ်နေရာပြပြ သူ့ သာ အလှ......

ဗေဒါဇော်

အချစ်ဆိုတာ ပဲပင်ပေါက်လက်ရေးနဲ့ ဖတ်မရအောင်ရေးထားတဲ့ ဝှက်စာတစ်မျိုးမပာုတ်လား...

ကော်ဖီက ခါးတယ်
ခဏခဏ ပြန်ဖမ်းယူနေရတဲ့ ရေဒီယိုကို
ရိုက်ခွဲပစ်လိုက်ပါပြီ..
ပြက္ခဒိန်တွေကို စိတ်လိုလက်ရ ထိုင်ဖြဲနေမိတာ
ရာစုထက်ဝက်ကျိုးလုနီးပါး
ဖုန်ထနေတဲ့ လမ်းတွေကိုမုန်းလို့
ဘာသီချင်းမှ နားမထောင်ဖြစ်တော့ပါဘူး...
လိုချင်လောဘတွေများတဲ့ကောင်
အိတ်ထဲမှာ ဓါးတစ်ချောင်းဆောင်ထားတယ်..
ကိုယ့်နောက်ကျော ကိုယ် ထိုးစိုက်ပြီးမှ
လူမိုက်လို့ အမည်ခံမယ်...တဲ့။

အစွန်းတရား ကို ယုံကြည်နေမိတော့
ပာန်ချက်မညီရင် လဲမှာပဲ..
ဂရေပာမ်ဘဲလ်ကို မုန်းတဲ့ အထဲမှာလည်း
ဒီကောင်အပါ...ပြီးတော့
ရပ်နေခြင်းနဲ့ မခိုင်မာရင်
လှဲ ပြီးသာနေလိုက်ချင်တဲ့ ဒသနနဲ့
ရေလိုက် ငါးလိုက် ကို လောက်လို ရွံ့ ခဲ့တယ်...တဲ့။

ပင်လယ်ကို မယုံကြည်လို့
ရွက်လွှင့်ချင်ယောင်တောင် မဆောင်ခဲ့ဘူး
သေချင်းတရားကို သာ မိတ်ကောင်းဆွေကောင်းပမာ
တစ်ဝိုင်းထဲ ခွက်လှည့်သောက်ရင်း ကဗျာစပ်
သေရင်တောင် အခေါင်းထဲ ကဗျာထည့်ပေးဖို့
ခပ်ကြောင်ကြောင်မှာခဲ့မယ်...တဲ့။

စိတ်ပါလက်ပါ လက်သည်းကိုက်နေတတ်ပေမယ့်
စိတ်မပါရင် လူတစ်ယောက်ကို ပြုံးတောင်မပြဘူး
နေရင်းထိုင်ရင်းနဲ့ကို အသက်ရှင်ရတာ မုန်းတတ်သူ
လူပုံ ပိစိကွေးနဲ့ အငြိုးအတေးက ကြီးတတ်သေး
ပျော်ရင် ဝမ်းနည်းရင် ပြောပြဖို့ မမေ့တတ်တာကလည်း အကြောင်းရင်းတစ်ခု
ဒါ့ကြောင့် ဒီကောင်
ဘယ်တော့မှ လူပေါင်းသူပေါင်းလည်း မဆန့်ခဲ့ဘူး....တဲ့။

ဒီလိုနဲ့ တောအုပ်ကို ဖြတ်သန်းနေခဲ့တာ
ချောက်ထဲပစ်ချပြီး ကိုယ့်နံမယ် ကို ပြန်သတ်နေခဲ့တာ
ဘယ်အရာမှ မယုံကြည်လို့ ကိုယ့် ကိုယ် ကို မှိုစော်နံစေခဲ့တာ
ကြိုးတွေကို မုန်းလို့ စွန်တောင် မလွှတ်ခဲ့ဘူး..
ငြိမ်းကာနီးဆဲဆဲ...

............
ူ.............
အထိတ်တလန့် ကိုယ့်လိပ်ပြာကိုယ်စမ်းကြည့်တော့ မရှိတော့ပါဘူး
ကောက်ကောက်ပါအောင် လိုက်သွားနေခဲ့
ပကတိငြိမ်သက်မှုကြီးစိုးစွာ
ရိုင်းရိုင်းစိုင်းစိုင်း ငြင်းဆန်နေခဲ့ရင်းမှ
ခွေးလိမ္မာတစ်ကောင်လို ဝပ်ဆင်းသွားစေခဲ့
ကြိုးဆွဲချိန်တောင် မရလိုက်ဘူး
ဘာကို မှ မယုံကြည်ခဲ့တဲ့ကောင်လေ
ချစ်ခြင်းတရား ဆီတစ်ပေါက်ကနေ မီးထ တောက်နေခဲ့ရ
ကောင်းကင်လောက်နီးပါး
သူ  ကိုယ့် ကို တောခြောက်သလို ခြောက်သွားတယ်....

( မိသိင်္ဂီ...
အိမ်မက်တွေ ပွင့်အာစေခဲ့တဲ့ နတ်သမီး...)

ချော့သိပ်ဖူးတဲ့ ဆံနွယ်စတွေ အိပ်မောကျနေပြီ
နင့် နဖူးလေးဖျားတိုင်း ငါ့လက်ပါ လိုက်ဖျားနေခဲ့တာ
နင် မှီတွယ်ထားတိုင်း ငါ့ကိုယ်ငါ ယုံကြည်လာမိလို့
သေကောင်ပေါင်းလဲ အသက်ရှင်မှုတွေ ရပ်တန့်
နင့် လက်မှာ လူပြန်ဖြစ်ခဲ့ရတာ
သူပာာ ကဝေနှင်တံရှင်ပါ....

ဒီကန်ဘောင်ပေါ်ခြေချဖူးမှ
အချစ်ပာာ ဘယ်လောက်လှလဲ သိလိမ့်မယ်
ရင်ဝှက်ရာသီရဲ့ နောက်ဆုံးပန်ချီညနေခင်းများကို
သှိဝှက်စွာသိမ်းထုတ်ထားတဲ့ ကျမ်းထဲမပါခဲ့တဲ့
လျှို့ဝှက်နေရာလေး.......ဒီနေရာလေးမှာ
အနာဂါတ်ကို ထုဆစ်ရင်း သက်ပြင်းတွေ
ယုယစွာ ရှင်းပေးခဲ့ဖူးတယ်..........

(မိသိင်္ဂီ...
ပစ္စုပ္ပန်ရဲ့ နိမိတ်ဆိုး
နင့် လက်အုပ်မိုးရုံနဲ့ အရာရာကို ကျော်ဖြတ်
လှော်တတ်တို့နဲ့ ပြည့်စုံခဲ့ပြီ........)

ရိုးရိုးလေးပါပဲ .....
အပြန်အလှန် ပူပန်ခြင်းဓလေ့ကို ထုံကူးထားတယ်
မမြင်ရရင် လွမ်းတဲ့ အကျင့် ထွန်းကားနေတော့လည်း
သူ့ ရုံးဆင်းချိန်တိုင်းပာာ နွေဦးရာသီလေးဖြစ်ခဲ့
တစပြင် ဖြစ်ခဲ့ရသမျှ မြှုပ်နှံလိုက်ပြီ
အိတ်လေးထဲ သူ့ဘဝကိုပါ ထည့်ပြီး
သေဝပ်စွာ ထမ်းပိုးထားတဲ့
ပိုင်စိုးပိုင်နင်း ညနေများ
ကျတော့်အတွက်လေကောင်းလေသန့်ဆိုတာ
သူ့ ကိုယ်ငွေ့လေးတွေ ဖြစ်ခဲ့တဲ့ အထိ....

လမ်းလျောက်ပြန်ခဲ့ရတဲ့ နေ့တွေ
ကို တို့ လက်ဖဝါးတွေ ဘယ်တော့မှ မဖျားဘူး
အရိပ်တကြည့်ကြည့် ညနေခင်းတွေမှာ
ဆွဲဆိတ်ခံနေရတာလဲ များပြီ
ရိုးသားစွာ၊ပူပန်စွာ နဲ့ ရဲဝံ့တည်ကြည်ခြင်းများ
ဒါလည်း အထားအသို မမှားခဲ့ဘူး...

ဒီလိုနဲ့ ခိုင်မြဲနေခဲ့တာ
ဘဝမှာ အခဏ်းနားဆုံး
ကြမ်းကြုပ်တဲ့ အချိန်တွေကို
ပြိုင်တူပြုံးရင်း မုန်းတတ်လာခဲ့သည့်အထိ

နေဝင်ချိန်စောတဲ့ ညနေတွေမှာ
ရင်မောတတ်လာခဲ့ပြီးသည့်နောက်
ဒီလမ်းလေးမှာ ခြေရာချင်းထပ်ခဲ့တဲ့ညတွေ
အပင်ချင်း လိမ်ယှက်တဲ့ အထိ ငါတို့
ရုက္ခဗေဒဆန်ဆန်
မဖူးဘူး၊ မဝေဘူး၊ မပွင့်ဘူး၊ သို့ပေသိ
ရှင်သန်မြိန်ယှက်ဘူးခဲ့တဲ့ အိမ်ပြန်ညတွေ...

ဒီလိုနဲ့ ညနေတွေမှာ
သံဘီးတစ်ခြမ်း ခွာသံတခြမ်းနဲ့
ဒဏ္ဍာရီဆန်သွားတယ်
တေလေ တစ်ယောက်က
အင်းပေါက်ခဲ့တဲ့ မှော်ဆရာလို
မန္တာန်တွေ မန်းမှုတ်
သူ့ရင်ကို ထုတ်ချင်းခုတ်သွားတဲ့
တနင်္ဂနွေ နတ်ဘုရားမလေးအတွက်
အသက်ဓါတ်အကြည်ဆက်
ဘဝ ပါ နှင်းအပ်ခဲ့တယ်လေ......

ဒါကျိန်စာလား ဆုတောင်းလား ဆိုတာ
မကွဲပြားခဲ့ပါဘူးကွယ်တဲ့
ကန်ရေပြင်က လှိုင်းကြက်ခွပ်တွေ အသာလှိမ့်လို့
ခေါင်းတငြိမ့်ငြိမ့်နဲ့ပေါ့........

မကြာခင်ရောက်လာတော့မယ့် နွေဦးလေးက သူ ပါ...
ကန်ရေပြင်ရယ် ၊ငှက်လေးတွေရယ်
စေတီရယ်၊ သစ်ပင်ရယ်
ပေါင်မုန့်စားတဲ့ ငါးလေးတွေနဲ့သာ
ဖန်ဆင်း စီရင်တော်မူခဲ့တဲ့
ဘုရားသခင်ရဲ့ (၃)ရက်မြောက်ဥယျာဉ်တော်အတွင်းမှာ
ပြီးပြည့်စုံအောင် သာယာနေခဲ့ပါတယ်လေ
တာရာမင်းဝေ ပြောခဲ့သလိုပေါ့
အာဒမ် က ဧဝ ကို ပေးခဲ့တာ
နံရိုးတစ်ချောင်းတည်းစာ မပာုတ်လောက်ဘူး........

ဗေဒါဇော်

( ၃ ရက်နေ့တွင်ပြည့်စုံကျော်လွှားမယ့် ၄ လစာ အလွမ်းများ အမှတ်တရ.......)

ကဝေ

စိတ်တစ်ခုလုံးလွှင့်မျောသွားလိုက်ရတာ ပြန်ကျမလာတော့မယ့် အတိုင်း
ပြတ်ရွေ့ကြီးတစ်ခုထဲ တိုးဝင်ပျောက်ကွယ် အမှောင်တိုက် က ဝါးမျိုလို့
အေးစက်စက် လေတိုးသံများနဲ့ ဆိုးဝါးလွန်းတဲ့ အထိတွေ့
နာမည်ခေါ်သံကြားလို့ လှည့်ကြည့်မိတယ်
အလို ကံကြမ္မာပါလား မျက်မှန်ကြီးတဝင့်ဝင့်နဲ့ ငါ့ အလှည့် တန်းစီနေတဲ့
ရင်ဘတ်မှာ ဘယ်က ကပ်ပါလာမှန်းမသိတဲ့ နှင်းဆီ တစ်စ
ဆုတောင်းတွေ ခြံရံပေးခဲ့ပေမယ့်လည်း ခြံရံခွင့် မရတဲ့ ည ခြောက်ခြားလွန်းလှတယ် အမေ....

လက်သည်းထဲက ဂျီးတွေလို ကပ်ငြိနေတဲ့ စိုးရွံ့ခြင်း
ဒေါက်နတ်ကြီးပြောခဲ့သလိုပေါ့ အတွေးနဲ့တင် အန်ချင်လာတဲ့ ကမ္ဘာပျက်ပောာကိန်း
အလိုမတူပဲ ရိုက်ချ ခံလိုက်ရတဲ့ အစိမ်းကြွေ ခရေပွင့်တွေရဲ့ ကျိန်စာ
တဆစ်ဆစ် ကိုက်ခဲနေတဲ့ ဝဲဘက် ရင်တစ်ခြမ်းက ယူပါကယ်ပါ တစာစာနဲ့
ဒါတွေက အိပ်ခါနီးမှ ပေါ်လာတဲ့ အတွေးစတွေလိုမျိုး အိပ်ပျော်တော့လဲ မေ့သွားပါလေရော.........

ခု  မခြောက်တတ် ခြောက်တတ်နဲ့မို့
အုတ်ဂူပေါ်ထိုင်နေရတာ ကြာတော့ ညောင်းလာတယ်.......

ဗေဒါ

ရောင်စုံခြယ် ငါး

တိမ်တွေကို ကြိုးနဲ့ချည်ပြီး
မျက်စိတစ်ဆုံးထိ လွှင့်တင်ထားတယ်...
အဖြူရောင် ကင်းဗတ်စပေါ်မှာ ရောင်စုံခြယ် ၅ တစ်လုံး
ပီပီသသ ကို ပြုံးလို့ပေါ့.....

ဂျိုးနှစ်ကောင်နဲ့ ထနောင်းပင် ကဗျာ တစ်ပုဒ်ကို လေချွှန်ရင်းလွမ်းမိသေး
လွမ်းလို့လည်း လေချွှန်မိတာ ဖြစ်ကောင်းဖြစ်နိုင်တယ်.....
တစ်ယောက်ထဲ မပာုတ်ပေမယ့် တစ်ကိုယ်ထဲလို့
အဝေးကနေတောင် မြင်နိုင်မယ်..........
ဒါ (၃) ရက်နေ့ရဲ့ (၅) လစာ ဆက်ထုံး..........
သူ့ ပခုံးတို့ မရုန်းတော့ပါဘူး
နေရင်း နေရင်းကို လွမ်းတယ်.........

ဒါ ကမ္ဘာဦးအစက
အို အရာအားလုံးရဲ့အစက
အသံမဲ့ ဘာသာဗေဒ
ထွေ ညီ ဝေ မျှ.........

ဗေဒါဇော်

(3-06-2011 သောကြာနေ့ အမှတ်တရ....)

အိပ်မရခြင်း ကဗျာ

ဒီတစ်ခါ လေညင်း လာရင်မေးကြည့်ရဦးမယ်
ပလီပလာနဲ့စိတ်ကူးထဲ မေးကြည့်ခဲ့တဲ့ ကောင်မလေးရေ
နိမိတ်အရဆိုရင်တော့ ခု ငါ့ရဲ့ ညီမလေးပေါ့....
နင့်အချွဲစကားလေးတွေနဲ့ အသက်ရှုမှားခဲ့ရတာ
ဘဝမှာ လဲကျခဲ့သမျှ ပြန်ထူပေးတတ်သူလေး..
ဒီ လူမ လေးကို ငါ စောက်ရမ်းချစ်တယ်။

တရုတ်စကား ပွင့်ချပ်ဖြူဖြူလေးထက် နင် ပိုလှတယ်
ငါ့ ရင်ကို ဆွဲဆိတ်တတ်သူလေးရေ....
နင့်ရဲ့ ရယ်သံ လှလှ လေးတွေထက် နင်ပိုလှတယ်

အိပ်ယာထက်မှာ အိပ်မရခြင်းဖြစ်စေသူလေးရေ
စိတ်ကူးတွေကို မှော်အတတ်သွင်း သွေးချင်းချင်းနီစွေးလို့
ငါ နင့်ကို ညီညီလေးပြုံးပြမယ်...
ဒါ ယုံကြည်ခြင်းဖြစ်တည်ဆေးတွေကွဲ့....လို့ ခပ်တိုးတိုးရှင်းပြမယ်ကွယ်...

လိပ်ပြာလေးလို တောင်ပံတွေခတ် ငါ့ရင်ကို ရှပ်တိုက်သွားသူလေးရေ....
ရှက်တတ်တဲ့ ပာန်ပန်လှလှနဲ့ ဒီအလှမှာ ဖျားခဲ့ရတာ
နင့်ရဲ့ ဆံနွယ်နုနုလေးတွေကို ချော့ရင်း သိပ် ခဲ့ရဖူးတာ လွမ်းတယ်။

ကွယ် ဘဝကို အမှောင်ချထားခိုက်
ကို့ ရဲ့ အလင်းတိုင်ကလေး အဲ့ဒီ လူမလေးကို
စောက်ရမ်းချစ်တယ်........


ဗေဒါ

ငါ့ရဲ့ (၂၁) ရာစုရဲ့ နတ်မိမယ်...

စုန်းတစ်ကောင်ရဲ့ မီးတောက်စားခြင်းသက်သက်လို
ငါတို့တွေ ပက်ပက်စက်စက် လွမ်းဖူးကြတာပဲ
နေဝင်သွားတိုင်း အမှောင်က ခဏ်းနားစွာ ကြမ်းပြတယ်
ဒဏ်ရာကို ရင်နဲ့ထမ်းထားသမို့
ပြုံးရင်း ၊ လေချွှန်ရင်း ၊ပျော်ရင်း
ငါ့ ရှင်သန်ခြင်းရဲ့ အားဆေးပာာ နင်
မှော်ဝင်ညမှာ သိပ် သတိရတယ်.......

လေးပင်စွာ ထမ်းပိုးထားတဲ့ လုံးလ ပုခုံးကျောရိုးတို့ အပြင်
အလွမ်းတွေ ရင်နဲ့မလောက်တော့ကြောင်း
လက်ဖက်ရည်ဆိုင်ထိုင်ရင်းပြော
ပမယ်......
လက်တစ်ဖက်က ပျိုးကြဲနေတုန်း
လက်တစ်ဖက်နဲ့ မိုးသည်း ကို လှမ်းတားချင်နေတဲ့ကောင်
နင့်ကြောင့် ငါ
လွန်  လွန်း တဲ့ မိုး ကို  မုန်း တယ်...

သံလွင်ပန်းခတ်တွေ ဖြန့်ကျဲပြီး
နင့် လာရာ လမ်းကို ပူဇော်မယ်
ငါ့ရဲ့ (၂၁) ရာစုရဲ့ နတ်မိမယ်...
ငါ့ အိပ့်မက်တွေ ဝယ်သွားတယ်........

လေးထောင့်ကန်မောင်ဦး
(1-8-2011)

ဒိုင်ယာရီ အမှတ် (၃)

ဘဝကို လိုလိုလားလား ပေါင်းစည်းလိုက်ကြတယ်
နှစ်ဦးသဘောတူပေါ့
(၁၁) လမြောက် ရင်ခုန်သံကတော့
သာမာန်ထက် စည်းချက်တွေ မြန်နေမှာ အမှန်

ရိုးမြေကျ ၊ ရာသက်ပန်
ဒါ ရင်ဘက်ထဲက အသံ
ဆန်းဆန်း ပြားပြားတော့ မပာုတ်ရပါဘူး
မေခနဲ့ မလိခ ပေါင်းစည်းသွားသလိုမျိုး
ဘာလင်တံတိုင်းကြီး ပြိုကျသွားခဲ့သလိုမျိုး
ဇာတ်တော်ထဲက ရက်ပေါင်း တစ်ရာငိုကြွေးခဲ့ရအောင်
ခြားထားတဲ့ ချောင်းကြီးကော သွားသလိုမျိုး
ပိာုလိုတစ်မျိုး၊ ဒီလိုတစ်မျိုးနဲ့
ရိုးရိုးလေးပဲ ကြောင်းလမ်းခဲ့တယ်

ခေါင်းလောင်းသံတွေ ချိုခဲ့တယ်။
သံသရာ ရထားကြီး သြဥဆွဲ နေခဲ့
ရေစက်အမှန် အတီတေ တောင်းဆုက
(၃)ရက်နေ့မှာ အကြောင်းစု
ဖယောင်းနဲ့ ကို တို့ ထုဆစ်မယ့် ဘဝအိမ်ရဲ့ အစမှာ
ကြံ့ကြံ့ ခိုင်ဖို့ သာတွေး
ခုတော့ တစ်နေရာဆီ ခဏဝေးနေလဲ
အားမွေးထားပါ ညီမလေးရေ.......
.အားမွေးထားပါကွယ်.......

.ဗေဒါဇော်

ဒါ မနက်ဖြန်အတွက် ရေးတဲ့ စာမပာုတ်ဘူး

ဒါ ရောင်နီတစ်စလား
လှောင်ရီ ကြသူတွေရေ...
မှောင်ပြီ ဆိုမှသာ မီးထွန်း
ဒီနွေဦးအတွက် ရေဗူးပဲ လိုတယ်။

ငြိမ်းချမ်းရေးတဲ့
နားဝင်ချိုတေးတစ်ပုဒ်ပေါ့
ခေါင်းလောင်းသံမကြားလိုက်ရပဲ
ကျောင်းဆင်းလိုက်ရရှာတဲ့ သူတွေ
မင်းလား ငါလား
မကွဲပြားပဲ
ငါရော မင်းရော
ဆုံးရှုံးလိုက်ကြ
ခု ရှုံးတာ
မင်းလား ငါလား
ဒါမှမပာုတ်
ငါရော မင်းရောလား.....

ဒါ မနက်ဖြန်အတွက် ရေးတဲ့ စာမပာုတ်ဘူး
ဒဏ်ရာက နက်ပြီဆို အတော်နဲ့ မကျက်ချင်ခဲ့တဲ့ ကောင်
တဖြေးဖြေးနဲ့ မိုးမှောင်လာတာ မဆန်း.........


ဗေဒါဇော်

အာဘွား.........

ပိုကောင်းသောမနက်ဖြန်တို့မှာ
အညိုရောင်မသမ်းကြေး
အလွမ်းတေးသံတို့နဲ့ အလှမ်းဝေးပါစေ ချစ်ရယ် ........

ဖိဖိစီးစီးနဲ့ ထပ်တိုးချစ်နေပါရစေကွယ်
စိတ်ဆိုး စိတ်ကောက်တာတွေကို အနားသတ်လို့
ဘဝခရီးတွေမှာ မားမားမတ်မတ်
အနားကပ်ကာ ရှေ့ချီတက်
လက်တွဲညီလျက် ရှင်မကွာ ကြင်နာကြရအောင် ချစ်ရယ်.......

(၃) ရက်နေ့အတွက် အိပ်ယာဝင်တေးက
ကမ္ဘာသစ်တေးလည်းဖြစ်မယ်။
တူမျှ ညီညာ ပါရမီဖြည့်လို့
အားဖြစ်ရပါတယ်ကွယ်.........
ထွေထွေထူးထူးမို့ ကျေးဇူးကို ရူးလောက်အောင်တင်တယ် ချစ်ရယ်.......

ရုံးတော်က အပြန်
ရင်ထဲမှာ ကျန်ခဲ့ရတာက
နောင်သံသရာထိ ဆက်ချည်မြဲ
သံယောစဉ် လက်ညီတွဲ မှတ်တမ်းတစ်ခု
ရင်နဲ့ ထုဆစ်မိပြီ
သံယောစဉ်မှတ်တမ်း နှစ်လ သားအတွက်
အာဘွား အာဘွား အာဘွား ကမ္ဘာတုန်ကြားအောင်
ဆိုလိုက်ချင်ပါရဲ့ ချစ်ရယ်...............အာဘွား.............